O 112 informou de que unha persoa foi rescatada, sen vida, na praia de Arealonga, en Barreiros. Foron os tripulantes dun kaiak os que recuperaron o corpo na zona de rocas do areal.
Segundo informa o servizo de emerxencias, sobre as 18,15 horas varios particulares puxéronse en contacto co 112 Galicia para informar de dúas persoas que parecían necesitar axuda para saír do mar que, nese momento, atopábase bastante revolto.
Durante a comunicación cos xestores de emerxencias, varios dos alertantes indicaban que unha das persoas en apertos xa se atopaba fora da auga, aparentemente, en bo estado. O Centro Integrado de Atención ás Emerxencias 112 Galicia alertouse aos servizos sanitarios, a Salvamento Marítimo, ao Servizo de Gardacostas de Galicia, aos axentes da Garda Civil e aos voluntarios de Protección Civil da localidade.
Finalmente, os axentes da Garda Civil confirmaron que se sacou da auga o corpo dunha persoa, pero que a pesar dos esforzos dos profesionais sanitarios, nada puideron facer por salvarlle a vida.
